المساعد الشخصي الرقمي

مشاهدة النسخة كاملة : ابيكم تساعدوني

رنومــة
02-18-2009, 10:28 PM
هلا شلونكم ؟؟

اليوم جاية لكم وعندي مشكلة اهي ما بدأت لكن أنا اخاف من النتائج اللي بتصير بعدين ...
اهي مشكلة متعلقة بي عن الدراسة ...

الحمدلله طلعت نتائج الفصل الاول وكانت روعة و قمة فالروعة وانا راضية عن نفسي و عن درجاتي و كانت بدايتي حلوة و بنشاط لكن المشكلة الحين بالفصل الثاني ما ادري احس انه نفسيتي غير متقبله المدرسة و الدراسة و مالي نفس ادرس بالرغم من اني احب الدرااسة و اعشقها مو بس احبها ...

وانا الحين خايفة على مستواي لانه احنا بالبداية و ما ادري المستقبل شنو مخبي لكن انا ما اقولكم اني ما ادرس ابد لا ادرس لكن فيه شي بعلقي يقولي ما بتكوني مثل الفصل الاول و انا الحين خااايفة وااايد و خصوصا من النتائج اللي بتكون بعدين

الحين انا اكلمكم بصفتكم اخواني الكبار اللي احبهم واحترمهم و اوجه لهم كل التقدير ...
فأرجوا ان تفيدوني بخبرتكم الطويلة او القصيرة وابي نصيحتكم و كيف اقدر اخير من اسلوبي او اي شي ..



اختكم الصغيرة :: رنومــــــــــــــــــــة

:1 (40):
۞ عـــازف جــروحه ۞
02-18-2009, 11:08 PM
أختي


قبل كل شي

أتمنى لج التوفيق بكل سنواتج الدراسيــة

-=-=-

شوفي خيتي ...

الدراســة .. والنتايج .. مو بس بكثرة المذاكرة والسهر ع الكتــب !!

أهم شي ... لازم تدرسي وإنتي راغبة ف الدراسة


والله ما أكذب عليج

أيام 3 ثانوي

ماكنت أذآكر أكثر من ساعة ونص إلى ساعتين


وتعرفي شو كنت أسوي ؟

كنت ألخص الدروس ... بس بلهجة عامية خخخخخخخخخخ


والدروس كلها ترتسخ ف بالي


والحمدلله توفقت وجبت نسبة فوق 92%

فالقصد .. إن الواحد .. لازم ينظم نفسه وجدوله

وأهم شي ف هاي كله ... هو الرآحـــة النفسيــة


فلو كانت نفسيتج مرتـــآحـة نفسيتج .. فبتقدري تستوعبي كل شي

والشي الثاني

إنج لازم تذاكري ف الوقت اللي نفسيتج مرتاحة فيه


يعني ناس يحسوا براحــة وقت الفجر .. حد عصر .. حد آخر الليل ..

فشوفي أي وقت إنتي تحسي نفسيتج مستقرة .. وذاكري فيه


وحاجة بعد .. لو ذاكرتي مثلا ساعة .. وبعدهـآ حسيتي إنج ما تقدري تذاكري .. لا تضغطي على نفسج .. ولا بتخربي على اللي مذاكرتنه من قبل ..

فريحي نفسج 10 دقايق وارجعي ذاكري بعدين

وأهم شي ... لا تضغطي ع نفسيتج أبدا .. ولا ماراح تستوعبي شي

نامي عدل .. وإكلي عدل ..


والتوفيق ... بيد الله


بس الواحد يتوكــل ويشد حيله
عباس المسكري
02-18-2009, 11:19 PM
نومة ما ما

لازم تعرفي إن الدراسة هي مستقبلك

والانسان منا يبذل قصارى جهده عشان مستقبله

لهذا اللي انتي جالسة تفكري فيه وشاغل بالك مجرد تخوف

من اللي جاي بهذا الفصل وانا متأكد من وحدك مثلك شطورة إنها

راح تجيب نتيجة احسن من اللي جابته اول

اسمعي هالكلام الموجه لك من ابوك

من الان ورايح مافي منتدى بعد الساعة 8 لامساء

وتوعدينيني إنك كل يوم تبرمجي نفسك وتراجعي لو ساعة وحدة

والوعد الثاني إنك كل ما تحسي بمثل هذا الاحساس تجي المنتدى وتخبرينا

أما الوعد الاهم إنك تجيبي نتيجة تخلينا نعمل لك احتفال خاص هنا في نور عمان

وتفرحينا بالفرحة اللي فعلا تسعد النفس

وترى لو شفتك بعد 8 او آخر مدى لك 9 مساء ولو شفتك بالمنتدى بعد هذا الوقت اعمل لك بلوك

سامعة الكلام يا كتكوتة

يالله الاان اطلعي لا اعصب عليك
عبق الياسمين
02-18-2009, 11:35 PM
هلا حبووووبه

مبروووك عالنتيجه والى الامام دائما

و ثانيا المستقبل اهم شي للانسان لا تضيعي مستقبلج

تعرفي انا كنت مثلج ايام 3 ثانوي فصل الثاني كنت اتضايق وايد من الدراسه و اجعد ابكي والحاله حاله

وما اقدر استوعب مع اني كنت شاطره والحمد لله وكنت احب الدراسه بس ماادري احيانا كنت اتضااايق وايد

وابكي بس الوالده الله يخليها كانت تحضني و تهديني وربي كانت واقفه معي ف ال3 ثانوي

ودوم كانت تقول لي الانسان بدون الشهاده لا شي حاولي تذاكري ويوم كنت اتضايق كنت اطلع معاها اروح الشاطئ

وكانت تحس فيني والحمد لله نجحت بدرجه حلوووه والحين ادرس الكليه سنه ال2

والحمد لله وانا نصيحتي لج من تتضايقين خاصة ايام الدراسه روحي لامج وربي بترتاحين كثير

واتمنى لج التوفيق حبووووبه

اختك:.........
رنومــة
02-19-2009, 12:46 AM
أختي


قبل كل شي

أتمنى لج التوفيق بكل سنواتج الدراسيــة




أخي عازف جروحه اشكرك جزيل الشكر على النصائح وااايد افادتني و بتفيدني ان شاء الله و أنا اطبقها وااايد ...
رنومــة
02-19-2009, 12:51 AM
نومة ما ما

لازم تعرفي إن الدراسة هي مستقبلك



اشكرك اايد وااايد وااايد ابوي على هذه النصائح لكن مو كانه قاسية شوي لا تدخلي بعد الساعة 8 ما اقدر هههه
لكن ان شاء الله مو اوعدك الحين يمكن الايام الجاية ...

واشكرك مرة ثانية على نصائحك ...
رنومــة
02-19-2009, 12:55 AM
هلا حبووووبه

مبروووك عالنتيجه والى الامام دائما



الله يبارك فيك اختي صدق كلامك واايد تحسي بعد المذاكرة انج متضايجة لكن انا الله يعين اذا وصلت ثالث ثانوي انا من الحين وخايفة كيف اذا دخلت الثانية الله يستر و كل اللي قلتيه ينطبق علي ..

واشكرك اتي عبق الياسمين
۞ عـــازف جــروحه ۞
02-19-2009, 02:32 AM
أخي عازف جروحه اشكرك جزيل الشكر على النصائح وااايد افادتني و بتفيدني ان شاء الله و أنا اطبقها وااايد ...


أفا عليج خيتي

وإنتي أختي ولازم نهتم لمصلحتج

والله يوفقج يارب
سـعوديه وافتخرٍ
02-19-2009, 03:42 AM
هلا رنومـــه ..

شفت موضوعك قلت خلني أرد عليه واصبرك شوي ..

مبروك نتيجتك للفصل الاول ..

شوفي المدرسه والدراسه مستقبل لنا ..
وماراح نحس بقيمتها الا اذا محصلنا الشيء اللي يفيدنامنها في مستقبلنا ..
انا معك انه في بدايه الفصل الثاني ماراح تكونين بالنشاط اللي كنتي عليه بالفصل الاول لعدهـ اسباب اولها واهمها ..

انكم دوبكم جايين من عطله وهذا ياثر علينا كطلاب ..
صدقيني كلها فتره وبتتعودين ع الروتين دراسه ... والخ

وهذا اللي حبيت اقوله لك ..
وان شاءالله بالتوفيق لك...
اختك / سعوديه ..